বিজনীৰ বড়োবজাৰত ড্ৰাগছসহ দুজন সৰবৰাহকাৰী আটক 

বঙাইগাঁৱৰ প্ৰতিবেদক:

চিৰাং জিলাৰ বিজনীৰ বড়োবজাৰত বুধবাৰে সন্ধিয়া সাত মান বজাত আৰক্ষীৰ অভিযানত ড্ৰাগছসহ দুজন সৰবৰাহকাৰী আটক হয়।আটকাধীন ড্ৰাগছ সৰবৰাহকাৰী দুজন ক্ৰমে শুশাংক ব্ৰহ্ম (২৮) আৰু ফুংকা বসুমতাৰী (১৮)।সৰবৰাহকাৰীৰ দুজনৰ ঘৰ বিজনীৰ দক্ষিণ দৈছুমগুৰী আৰু  নাংদৰবাৰীত বুলি জানিব পৰা গৈছে।আৰক্ষীয়ে সৰবৰাহকাৰী দুজনৰ পৰা দুটা মোবাইল ফোন,এ এচ ১৬ জি ৮০৮৫  নম্বৰৰ এখন মটৰ চাইকেল,চিৰিঞ্জ,নগদ ৭০০ টকা আৰু ৪৪০ মি:গ্ৰা ড্ৰাগছ জব্দ কৰে।