গুৱাহাটী ৰেল ষ্টেচনত ১০টা বস্তাত উদ্ধাৰ ব্যাপক পৰিমাণৰ টকাৰ লগতে সোন-ৰূপৰ আ-অলংকাৰ

নিউজ ডেস্ক : 
গুৱাহাটীৰ ৰে'ল ষ্টেচনত  মংগলবাৰে ৰেল আৰক্ষীয়ে জব্দ কৰে ১০টাকৈ টকাৰ বস্তা।কুৰিয়াৰ কৰিবলৈ অনা বস্তা কেইটাত টকাৰ লগতে কিছু পৰিমাণৰ সোণ আৰু ৰূপৰ কাঠি থকা বুলি জানিব পৰা গৈছে।
দুজন যুৱকে বেগ কেইটা কুৰিয়াৰ কৰিবলৈ আনোতে কুৰিয়াৰত কৰ্মৰত অৱস্থাত থকা কৰ্মচাৰীয়ে সোধ-পোচ কৰাত কুৰিয়াৰ অফিচৰ পৰা যুৱক দুজনে পলায়ন কৰে।উল্লেখ যে আৰক্ষীয়ে দিনৰ ১২বজাত বেগ ১০টা জব্দ কৰি তাৰে ৪টা বেগ গণনা কৰাত সৰ্বমুঠ  ৪লাখ ৮৮হাজাৰ  ৯০০টকা জব্দ কৰিবলৈ সক্ষম হয়।ইয়াৰে ৪হাজাৰ ৯০০টকা খুচুৰা মুদ্ৰা বুলি জানিব পৰা গৈছে।

ইয়াৰোপৰি উক্ত বেগ কেইটাৰ পৰা ৰে'ল সুৰক্ষা আৰক্ষীয়ে ৫কেজি ১০০গ্ৰাম ওজনৰ কিছু ৰূপৰ কাঠি আৰু দুটা পেকেটত ৩১ যোৰ সোণৰ খাৰুও জব্দ  কৰিবলৈ সক্ষম হয়।

আনহাতে বাকী ৬টা বেগত আৰক্ষীয়ে শাৰীৰ লগতে কিছু কাপোৰ উদ্ধাৰ কৰে।বৰ্তমান আৰক্ষীয়ে ঘটনাৰ সন্দৰ্ভত তদন্ত অব্যাহত ৰাখিছে।