'সৃষ্টি' প্ৰতিষ্ঠানৰ উদ্যোগত সুধাকণ্ঠ ডঃ ভূপেন হাজৰিকাৰ অষ্টম মৃত্যু বাৰ্ষিকী পালন

নৰেন শৰ্মা,বাহাৰঘাট:

নলবাৰী জিলাৰ ঘগ্ৰাপাৰ আৰক্ষী থানাৰ অন্তৰ্গত কিচমৎ গাঁঁৱৰ 'সৃষ্টি' প্ৰতিষ্ঠানৰ উদ্যোগত মঙলবাৰে দিনজোৰা কাৰ্য্যসূচীৰে সুধাকণ্ঠ ভাৰতৰত্ন ডঃ ভূপেন হাজৰিকাৰ অষ্টম মৃত্যু বাার্ষিকী  পালন কৰে৷তদুপলক্ষে পুৱা সুধাকণ্ঠৰ প্ৰতিচ্ছবিত মাল্যাৰ্পণ,বন্তি প্ৰজ্বলন কৰাৰ পিচতে ক্ৰমে জ্যোতি সংগীত,ৰাভা সংগীত,ভূপেন্দ্ৰ সংগীত আৰু চিত্ৰাংকন প্ৰতিযোগিতা অনুষ্ঠিত কৰে৷ইয়াৰ  পিছত  পঃবঃধীৰদত্ত উচ্চতৰ মাধ্যমিক বিদ্যালয়ৰ অৱসৰপ্ৰাপ্ত অধ্যক্ষ নিৰঞ্জন চন্দ্ৰ ডেকাৰ সভাপতিত্বত অনুষ্ঠিত হোৱা মুকলি আৰু বঁটা বিতৰণী সভাত বিজয়ী ছাত্ৰ-ছাত্ৰীসকলক বঁটা প্ৰদান কৰে৷বিশিষ্ট যুৱ সংগীত শিল্পী দাদুল দত্ত লহকৰে সভাৰ উদ্দেশ্য ব্যখ্যা কৰা সভাখনত সৃষ্টি প্ৰতিষ্ঠানৰ পৰিচালক ডঃ হীৰেন কুমাৰ দেৱ শৰ্মাই আমন্ত্ৰিত অতিথি সকলক গামোচাৰে আদৰণি জনাই৷সভাৰ অন্তত এখন বৰ্ণিল সাংস্কৃতিক সন্ধিয়া অনুষ্ঠিত কৰে৷