কমাৰকুছিত অগপ দলৰ সদস্য ভৰ্তি সম্পৰ্কে সাংগঠনিক সভা

বাহাৰঘাটৰ পৰা নৰেন শৰ্মা

নলবাৰী জিলাৰ ৬০ নং বৰক্ষেত্ৰী বিধান সভা সমষ্টিৰ অসম গণ পৰিষদ দলৰ এখন সভা শুকুৰবাৰে আবেলি কমাৰকুছি হৰি মন্দিৰ প্ৰাংগণত অনুষ্ঠিত হয়।অগপ দলৰ নলবাৰী জিলা সমিতিৰ সভাপতি আনন্দ ৰাজবংশীৰ সভাপতিত্বত অনুষ্ঠিত সভাখনত মুখ্যতঃ সাংগঠনিক দিশত পৰ্যালোচনা কৰা হয়। সেই মৰ্মে সমষ্টিটোত সদস্য ভৰ্তিৰ তীব্ৰ অভিযানৰ এক কাৰ্যসূচী গ্ৰহণ কৰে।সদস্য ভৰ্তি অভিযান কাৰ্যকৰী কৰাৰ বাবে অমল নাৰায়ণ পাটোৱাৰীক আহ্বায়ক হিচাপে লৈ এখন ১৩ জনীয়া সমিতি গঠন কৰে।সভাত সাংগঠনিক দিশত বক্তব্য প্ৰদান কৰে ক্ৰমে অনন্ত ডেকা, মদন কলিতা,কেশৱ ডেকা আৰু অমল নাৰায়ণ পাটোৱাৰীয়ে। উক্ত সভাতে জ্যেষ্ঠ নাগৰিক নাউদত্ত তালুকদাৰে অগপ দলৰ সদস্য পদ গ্ৰহণ কৰে।