পশ্চিম বড়িগোগ আঞ্চলিক কনিষ্ঠ মহাবিদ্যালয়ৰ নৱাগত আদৰণি সভাত কীৰ্তিমান  শিক্ষাৰ্থীক সম্বৰ্দ্ধনা

নৰেন শৰ্মা,বাহাৰঘাট :

ৰঙিয়া মহকুমাৰ দক্ষিণ দিশৰ পশ্চিম বড়িগোগ আঞ্চলিক কনিষ্ঠ মহাবিদ্যালয়ৰ নৱাগত আদৰণি সভাখন বুধবাৰে মহাবিদ্যালয় প্ৰাংগনত অনুস্থিত হৈ যায়৷ ৰাতিপুৱা ১১ বজাত মহাবিদ্যালয়খনৰ অৱসৰপ্ৰাপ্ত অধ্যক্ষ ৰামদত্ত লহকৰৰ সভাপতিত্বত অনুষ্ঠিত হোৱা মুকলি সভাত শিক্ষানুস্থানখনৰ পৰা এইবেলি উচ্চতৰ মাধ্যমিক চুড়ান্ত পৰীক্ষাৰ কলা আৰু বাণিজ্য শাখাত কৃতিত্বৰে উত্তীৰ্ণ হোৱা মুঠ ১৪ গৰাকী শিক্ষাৰ্থীক সম্বৰ্দ্ধনা জ্ঞাপন কৰে৷ইয়াৰ ভিতৰত কলা শাখাৰ সৰ্বোচ্চ নম্বৰ প্ৰাপ্ত বিকি শৰ্মা আৰু বাণিজ্য শাখাৰ সৰ্বোচ্চ নম্বৰপ্ৰাপ্ত সুনীল লহকৰক ফুলাম গামোচা,মানপত্ৰ আৰু নগদ ধনৰে উদগনি মুলক পুৰস্কাৰ প্ৰদান কৰে৷তদুপৰি সংস্কৃত বিষয়ত সৰ্বোচ্চ ৯০ শতাংশ নম্বৰৰে মহাবিদ্যালয়খনলৈ গৌৰৱ কঢ়িয়াই অনা বিকি শৰ্মাক মহাবিদ্যালয়খনৰ সংস্কৃতৰ বিষয়ৰ শিক্ষক নয়ন মনি দাসে গামোচা আৰু অভিধান প্ৰদান কৰে৷সভাত এমট্ৰনৰ প্ৰৱন্ধক দীনমণি ভাণ্ডাৰ কায়স্থই মুখ্যঅতিথি হিচাবে উপস্থিত থাকি ছাত্ৰ ছাত্ৰী সকলক উদ্দেশ্যি বক্তব্য প্ৰদান কৰে৷আনহাতে উক্ত সভাত আন কেইবাজনো লোকে অতিথিৰ আসন শুৱনি কৰে৷উল্লেখযোগ্য যে গ্ৰাম্যাঞ্চলৰ উক্ত শিক্ষানুষ্ঠানখনে প্ৰতি বছৰে চুড়ান্ত পৰীক্ষাত সন্তোষজনক ফলাফল দেখুৱাই আহিছে।