বাজপেয়ীক অন্তিম শ্ৰদ্ধা নিবেদিবলৈ গৈ অপদস্থ স্বামী অগ্নিৱেশ

সদ্যপ্ৰয়াত প্ৰাক্তন প্ৰধান মন্ত্ৰী অটল বিহাৰী বাজপেয়ীক অন্তিম শ্ৰদ্ধা নিবেদিবলৈ গৈ আজি অপদস্থ হ’ল স্বামী অগ্নিৱেশ ৷

বিজেপিৰ পিতামহ বাজপেয়ীৰ নশ্বৰ দেহ আজি শেষ শ্ৰদ্ধা জনাবৰ বাবে লৈ যোৱা হৈছিল বিজেপি দলৰ নতুন দিল্লীস্থিত মুখ্য কাৰ্যালয়লৈ ৷ সেই সময়তে বাজপেয়ীক অন্তিম শ্ৰদ্ধা নিবেদিবলৈ সেই স্থানত বৰ্ষীয়ান সমাজ সেৱক স্বামী অগ্নিৱেশ উপস্থিত হয়গৈ ৷

পিছে অগ্নিৱেশক দেখা পায়েই বিজেপিৰ মুখ্য কাৰ্যালয়ৰ বাহিৰত ৰৈ থকা একাংশ লোকে তেওঁক শাৰীৰিকভাৱে অপদস্থ কৰাৰ লগতে গালি-গালাজ কৰে ৷

স্মৰ্তব্য যে যোৱা জুলাই মাহতো ঝাৰখণ্ডত কেইজনমান সন্দেহজনক ভাৰতীয় জনতা যুৱ মৰ্চাৰ সদস্যই অপদস্থ কৰিছিল স্বামী অগ্নিৱেশক ৷