গোলাঘাটত তিনিদিনীয়া কাৰ্যসূচীৰে আয়োজন ৭২ সংখ্যক স্বাধীনতা দিৱস

গোলাঘাট জিলা প্ৰশাসনৰ উদ্যোগত তিনিদিনীয়ে কাৰ্যসূচীৰে ৭২সংখ্যক স্বাধীনতা দিৱস আয়োজন কৰা হৈছে ৷ আজি জিলা পুথিভঁৰালত গোলাঘাট মহিলা নাগৰিক মঞ্চৰ সৌজন্যত দেশপ্ৰেমমূলক গীত আৰু সৃষ্টিশীল নৃত্যৰ এক প্ৰতিযোগিতা অনু্ষ্ঠিত কৰা হয় ৷ ইয়াৰ সমান্তৰালভাৱে জিলাখনৰ বিভিন্ন বিদ্যালয় সমূহতো ছাত্ৰ-ছাত্ৰীৰ মাজত ৰচনা আৰু তৰ্ক প্ৰতিযোগিতাৰো অনুষ্ঠিত কৰা হয় ৷ তিনিদিনীয়া কাৰ্যসূচীৰ লগত সংগতিৰাখি অহা

১৪ আগষ্ট দিনা লায়ন্স ক্লাবৰ সৌজন্যত ছাত্ৰ-ছাত্ৰীসকলৰ মাজত জিলা পুথিভঁৰালত কুইজ প্ৰতিযোগিতাৰ লগতে পুৱা ৬.৩০ বজাত উপায়ুক্তৰ বাসভৱনৰ সন্মুখৰ পৰা ৰাষ্ট্ৰীয় ঐক্য সংহতিৰ হেতু সামূহিক দৌৰৰ আয়োজন কৰা হৈছে ৷ কাৰ্য্যসূচীৰ অন্তিমদিনা অৰ্থাৎ
১৫ আগষ্ট দিনা গোলাঘাট সমন্বয় পথাৰত কেন্দ্ৰীয়ভাৱে বিভিন্ন কাৰ্যসূচীৰে স্বাধীনতা দিৱস উদযাপন কৰা হব ৷

আনহাতে, যোৱা ১১ আগষ্ট দিনা, স্বাধীনতা দিৱসৰ লগত সংগতি ৰাখি এখনি চিত্ৰাংকন প্ৰতিযোগিতাৰ আয়োজন কৰা হৈছিল৷ গোলাঘাট জিলা সমাজ কল্যান বিভাগ, মহকুমা জনকল্যান বিভাগ আৰু ভাৰতীয় শিশু কল্যান পৰিষদৰ পৰিচালনাত আয়োজন কৰা চিত্ৰাংকণ প্ৰতিযোগিতাৰ বিষয় আছিল বৈচিত্ৰৰ মাজত ঐক্য ৷