মঙলদৈত জব মেলা

অসম ৰাজ্যিক গ্ৰামীণ জীৱিকা অভিযান আৰু দৰং জিলা প্ৰশাসনৰ উদোগত স্থানীয় সনাতন ধৰ্মসভা প্ৰাংগণত দীনদয়াল উপাধ্যায় গ্ৰামীণ কৌশল বিকাশ যোজনাৰ অধীনত অনুষ্ঠিত হৈছে "দৰং ২০১৮ জব মেলা" ।

এই জব মেলা তথা নিযুক্তি বিপণী উদ্বোধন কৰে মঙলদৈৰ বিধায়ক গুৰুজোতি দাসে । উক্ত মেলাৰ লগত সংগতি ৰাখি অনুষ্ঠিত প্ৰদৰ্শনী মুকলি কৰে দৰঙৰ উপায়ুক্ত অশোক কুমাৰ বৰ্মনে ।

১৮-৩০ বছৰৰ গ্ৰামাঞ্চলৰ যুৱক-যুৱতীসকলক কাৰিকৰী প্ৰশিক্ষণৰ জৰিয়তে বিভিন্ন ক্ষেত্ৰত নিযুক্তি দিয়াই এই মেলাৰ উদ্দেশ্য বুলি সভাত মন্তব্য কৰে অতিৰিক্ত উপায়ুক্ত পংকজ চক্ৰৱৰ্তীয়ে ।

প্ৰায় ২০০০ যুৱক-যুৱতীয়ে এই মেলাত অংশগ্ৰহণ কৰে ৷