তামুলপুৰত এন ডি এফ বিৰ সদস্য আটক

পোন্ধৰ আগষ্টলৈ মাজত মাত্ৰ দুটা দিন থকা অৱস্থাত আজি তামুলপুৰৰ চিকণিবাৰীত এন ডি এফ বি (চংবিজিত) গোটৰ এজন কেডাৰক আটক কৰা হয় ।

ধৃত কেডাৰজন শোণিতপুৰ জিলাৰ ৰিংকু স্বৰ্গীয়াৰী বুলি জানিব পৰা গৈছে । উগ্ৰপন্থীজনৰ পৰা এটা ৭.২৫ চাইনিজ পিষ্টল উদ্ধাৰ কৰা হয় । আৰক্ষী আৰু সেনাৰ যুটীয়া অভিযানত উগ্ৰপন্থীজন আটক হয় ।

ধৃত উগ্ৰপন্থীজন শোণিতপুৰ জিলাৰ  চালনীবাৰী থানাৰ অন্তৰ্গত বাতাবাৰী গাঁৱৰ দিলীপ স্বৰ্গীয়াৰীৰ পুত্ৰ বুলি জানিব পৰা গৈছে ।

ৰঙিয়া-ভূটান আন্তৰাষ্ট্ৰীয় পথৰ চিকণিবাৰীত গোপন তথ্যৰ ভিত্তিত উগ্ৰপন্থীজনক আটক কৰে । সম্প্ৰতি উগ্ৰপন্থীজনক জেৰা অব্যাহত ৰাখিছে ।