গহপুৰৰ ধানখেতিত চৰহা পোকৰ তাণ্ডৱ

গহপুৰ মহকুমাৰ একাংশ কৃষিভূমিত বৰ্তমান চৰহা পোকৰ তাণ্ডৱত কৃষক ৰাইজৰ সোণালী শইচৰ সপোন ধূলিসাৎ হোৱাৰ উপক্ৰম হৈছে ।

সজাল ধৰি লহ্‌পহ্‌কৈ বাঢ়ি অহা ধানখেতিত চৰহা পোকৰ আক্ৰমণৰ ফলত সেউজীয়া ধাননিপথাৰে ৰঙচুৱা বৰণ ধাৰণ কৰা পৰিলক্ষিত হৈছে ।

উল্লেখ্য যে গহপুৰ মহকুমাৰ গোপালপুৰ গাঁও পঞ্চায়তৰ অন্তৰ্গত টিঙলবড়িৰ অৰুণ নেওগ, লুইচ দাং, ফ্ৰান ধৰধৰাই আদি কৃষকৰ বিঘাই বিঘাই মাটি অনিষ্টসাধন কৰিছে ।

মহকুমা কৃষি বিভাগৰ ফালৰ পৰা কোনো পদক্ষেপ গ্ৰহণ নকৰাত কৃষক ৰাইজ উদ্বিগ্ন হৈ পৰিছে ।