তামুলপুৰত স্বাধীনতা দিৱস উপলক্ষে চিত্ৰাংকন প্ৰতিযোগিতা 

সমাগত স্বাধীনতা দিৱস উপলক্ষে তামুলপুৰ মহকুমা প্ৰশাসনৰ উদ্যোগত আৰু তামুলপুৰ মহকুমা কল্যাণ বিষয়াৰ কাৰ্যালয়ৰ সহযোগত আজি এখনি চিত্ৰাংকন প্ৰতিযোগিতা অনুষ্ঠিত হৈ যায় ।

তামুলপুৰ উচ্চতৰ মাধ্যমিক বিদ্যালয়ত অনুষ্ঠিত এই চিত্ৰাংকন প্ৰতিযোগিতাখনি পৰিচালনা কৰে বিশিষ্ট চিত্ৰশিল্পী নৃপেন নাৰ্জাৰী, হৰিকমল দৈমাৰী, নয়ন বড়ো আৰু সৌদম বড়োৱে ।

ফলাফল অনুসৰি নিম্ন শাখাত তামুলপুৰ কেন্দ্ৰীয় বিদ্যালয়ৰ প্ৰীতম ৰামচিয়াৰীয়ে প্ৰথম, শংকৰদেৱ বিদ্যা নিকেতন, তামুলপুৰৰ সমুদ্ৰ বৰ্মনে দ্বিতীয়, কেন্দ্ৰীয় বিদ্যালয় তামুলপুৰৰ কৃষ স্বৰ্গীয়াৰীয়ে তৃতীয়, একেখন বিদ্যালয়ৰ অৰুণাভ দাসে চতুৰ্থ আৰু জুতিকা ডেকাই লাভ কৰে পঞ্চম স্থান ।

উচ্চ শাখাত কেন্দ্ৰীয় বিদ্যালয়, তামুলপুৰৰ মৃদুস্মিতা দাসে প্ৰথম স্থান অধিকাৰ কৰাৰ বিপৰীতে ছেইণ্ট জেভিয়াৰ্ছ হাইস্কুল, তামুলপুৰৰ দেৱাশিস কাশ্যপে দ্বিতীয় আৰু কেন্দ্ৰীয় বিদ্যালয়, তামুলপুৰৰ বাগুৰুম বসুমতাৰীয়ে তৃতীয় স্থান লাভ কৰে ।

আনহাতে, শঙ্কৰদেৱ বিদ্যা নিকেতন, তামুলপুৰৰ জ্যোতিস্মিতা দাসে লাভ কৰে চতুৰ্থ স্থান । উল্লেখ্য যে উক্ত ছাত্র-ছাত্ৰীসকলক অহা ১৫ আগষ্টত তামুলপুৰ মহকুমা ভিত্তিত অনুষ্ঠিত হ'বলগা স্বাধীনতা দিৱসত পুৰস্কাৰ প্ৰদান কৰা হ'ব ।