বৰপেটা জিলাৰ ভাৰেগাঁৱত মৃতদেহ উদ্ধাৰ

বৰপেটা জিলাৰ বালাপাৰা আৰক্ষী চকীৰ অন্তৰ্গত ভাৰেগাঁৱত উদ্ধাৰ হয় এটি উৱলি যোৱা মৃতদেহ | মৃতদেহটো ভাৰেগাঁৱৰ অসীম কলিতাৰ বুলি জানিব পৰা গৈছে | ধাননি পথাৰৰ মাজত উদ্ধাৰ হৈছে মৃতদেহটো |

মৃতদেহটো উদ্ধাৰৰ ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে | আনহাতে, এয়া এক হত্যাকাণ্ড বুলি স্থানীয় ৰাইজে সন্দেহ প্ৰকাশ কৰিছে | গাঁওবুঢ়া প্ৰদীপ দাস আৰু বালাপাৰা আৰক্ষী চকীৰ ভাৰপ্ৰাপ্ত আৰক্ষী বিষয়া প্ৰণৱ কুমাৰ দাসে ঘটনাস্থলীত উপস্থিত হৈ মৃতদেহটো মৰোণত্তৰ পৰীক্ষাৰ বাবে বৰপেটা মেডিকেল কলেজ হাস্পতাললৈ প্ৰেৰণ কৰে |

আৰক্ষীয়ে ঘটনা সন্দৰ্ভত তদন্ত অব্যাহত ৰাখিছে যদিও বৰ্তমানলৈ কোনো অপৰাধী কৰায়ত্ত কৰিৱলৈ সক্ষম হোৱা নাই | প্ৰকৃততে যদি এয়া হত্যাকাণ্ড তেন্তে এই নৃশংস হত্যাকাণ্ডৰ আঁৰত কোন বুলি ৰাইজে প্ৰশ্ন কৰিছ ৷ কিহৰ বাবে অসীমক নৃশংসভাৱে হত্যা কৰি ধাননি পথাৰৰ মাজত মৃতদেহটো পেলাই থৈ গ'ল তাক লো এতিয়া সৃষ্টি হৈছে ৰহস্যৰ ৷ ঘটনাৰ উচিত তদন্তৰ জৰিয়তে প্ৰকৃত ৰহস্য উদ্‌ঘাটন কৰি দোষীক কঠোৰ শাস্তি বিহিবলৈ দাবী জনাইছে স্থানীয় ৰাইজে |