তেজপুৰ লোকসভা সমষ্টিৰ প্ৰাক্তন সাংসদ মণি কুমাৰ চুব্বাৰ মৃত্যু

তেজপুৰ লোকসভা সমষ্টিৰ তিনিবাৰৰ প্ৰাক্তন সাংসদ মণি কুমাৰ চুব্বাৰ সোমবাৰে পুৱতি নিশা মৃত্যু হয়।১৯৯৮ চনৰ পৰা ২০০৯ চনলৈ তেজপুৰ সমষ্টিৰ তিনিবাৰৰ সাংসদ চুব্বাৰ দিল্লীৰ এখন ব্যক্তিগত চিকিৎসালয়ত পুৱতি নিশা ২ বজাত পৰলোকপ্ৰাপ্তি ঘটে।

এসময়ত অসমৰ কংগ্ৰেছৰ এজন প্ৰভাৱশালী নেতা মণি কুমাৰ চুব্বাৰ মৃত্যুৰ সময়ত বয়স হৈছিল ৬১ বছৰ।২০১৪ চনত হৃদৰোগত আক্ৰান্ত হোৱাৰ পিছত পক্ষাঘাত হৈ চিকিৎসাধীন হৈ আছিল চুব্বা।মৃত্যুৰ সময়ত চুব্বাই পত্নী,তিনিগৰাকী কন্যা আৰু এগৰাকী পুত্ৰ সন্তানক ইহসংসাৰত এৰি থৈ গৈছে।