দিল্লীত এনডিএৰ নৱনিৰ্বাচিত সাংসদসকলৰ বৈঠক সম্পন্ন

নিউজ ডেস্ক:

শনিবাৰে দিল্লীৰ সংসদ ভৱনৰ চেণ্ট্ৰেল হলত অনুষ্ঠিত হ'ল বিজেপিৰ নৱনিৰ্বাচিত সাংসদসকলৰ গুৰুত্বপূৰ্ণ বৈঠক।বৈঠকত অসমৰ ৯ গৰাকীকৈ নৱনিৰ্বাচিত সাংসদৰ উপৰিও উপস্থিত থাকে মুখ্যমন্ত্ৰী সৰ্বানন্দ সোণোৱাল।

উল্লেখ্য যে আজিৰ এই বৈঠকত বিজেপি সাংসদসকলৰ উপৰিও উপস্থিত থাকে এনডিএৰ অংশীদাৰী দলৰ সাংসদসকলো।
আজিৰ বৈঠকতে সংসদীয় দলৰ নেতা হিচাপে নৰেন্দ্ৰ মোডীক আনুষ্ঠানিকভাৱে নিৰ্বাচিত কৰা হয়।

মোডীয়ে উক্ত বৈঠকত নৱনির্বাচিত সকলো সাংসদক উদ্দেশ্য কৰি ভাষণ প্ৰদান কৰে।তেওঁ কয়- 'জনসাধাৰণে আমাক বৃহৎ জয় প্ৰদান কৰি আমাৰ দায়িত্ব বৃদ্ধি কৰিছে।ৰাইজৰ বাবে আজি এই সন্মান লাভ কৰিছোঁ।যিসকলে আমাক বিশ্বাস কৰা নাই সেইসকলৰ মাজত আমি বিশ্বাস বৃদ্ধি কৰিব লাগিব।'