আইপিএলৰ সৰ্বকনিষ্ঠ অৰ্ধশতৰাণকৰী ৰিয়ান পৰাগ গুৱাহাটীত উপস্থিত

তপন বৰগোহাঁই

আইপিএলত ৰাজস্থান ৰয়েলছৰ হৈ চমকপ্ৰদ প্রদর্শন আগবঢ়াই গুৱাহাটীত উপস্থিত অসম সন্তান ৰিয়ান পৰাগ। সোমবাৰে এক বিশেষ বিমানযোগে সন্ধিয়া ৯ বজাত গুৱাহাটীৰ লোকপ্ৰিয় গোপীনাথ বৰদলৈ বিমানবন্দৰত উপস্থিত হয় ৰিয়ান। ৰিয়ান পৰাগ বিমানবন্দৰত উপস্থিত হোৱাৰ লগে লগে বহুতো শুভাকাংক্ষীয়ে ৰিয়ানক বিমানবন্দৰতে সম্বৰ্ধনা জনায়।

উল্লেখ্য যে শনিবাৰে দিল্লী কেপিটেলছৰ বিৰুদ্ধে অৰ্ধশতৰাণৰ এক ৰাজকীয় ইনিংছ দর্শকক উপহাৰ দি আইপিএলত সৰ্বকনিষ্ঠ অৰ্ধশতৰাণকাৰী খেলুৱৈ হোৱাৰ কৃতিত্ব অর্জন কৰিছিল যুৱ ক্ৰিকেটাৰগৰাকীয়ে।

ইফালে,আজি দিনৰ ১২ বজাত খাৰঘূলিৰ 'মেঘমল্লাৰ এপাৰ্টমেণ্ট'ত আইপিএলৰ অভিজ্ঞতা বৰ্ণনা কৰি ৰিয়ানে এক সংবাদমেল সম্বোধন কৰিব।