কঠিয়াতলীৰ বিদ্যুৎ কাৰ্যালয়ত প্ৰতিবাদী ৰাইজৰ ওপৰত লাঠী চালনা

নগাঁৱৰ কঠিয়াতলী বৈদ্যুতিক উপ-সংমণ্ডল কাৰ্যালয়ত নিশা সৃষ্টি হয় উত্তেজনাৰ।কঠিয়াতলী পূব কাৱৈমাৰী গাঁৱত মঙলবাৰৰ পৰা নাছিল বিদ্যুৎ।মঙলবাৰে অহা ধুমুহাত ছিন্ন-বিচ্ছিন্ন হৈছিল গাঁওখনৰ বিদ্যুতৰ খুঁটা-তাঁৰবোৰ।চাৰিদিন গাঁওখনত বিদ্যুৎ নাপাই নিশা কঠীয়াতলী বিদ্যুৎ বিভাগৰ কাৰ্যালয়লৈ গৈছিল গাঁওখনৰ পুৰুষ-মহিলাসকল।তেতিয়া ৰাইজৰ মাজৰ পৰাই পলায়ন কৰে উপ-প্ৰবন্ধকগৰাকীয়ে।গাওঁখনৰ প্ৰতিবাদী ক্ষুদ্ধ লোকসকলক কাৰ্যালয়টোৰ পৰা খেদি পঠাবলৈ কঠীয়াতলী আৰক্ষীয়ে ৰাইজৰ ওপৰত জাপি দিলে চিআৰপিএফ বাহিনী।গাঁৱৰ ৰাইজৰ ওপৰত আৰক্ষী-চিআৰপিএফে মৃদু লাঠি চালনা কৰে।আৰক্ষী- চিআৰপিএফ বাহিনীয়ে কেইবাজনো যুবকক আটক কৰে ।