দিল্লীৰ উদ্যোগত ভয়ংকৰ অগ্নিকাণ্ড

দিল্লীৰ নাৰায়ণা ঔদ্যোগিক খণ্ড ফেজ-১ত আজি পুৱা ভয়ংকৰ অগ্নিকাণ্ড সংঘটিত হয়। ঔদ্যোগিক খণ্ডটোত থকা আর্চিছ পাৰফিউম ফেক্টৰীত বৃহস্পতিবাৰৰ পুৱা অগ্নিকাণ্ডটো সংঘটিত হয়।উদ্যোগটোৰ জ্বলনশীল সুগন্ধি ৰাসায়নিক পদাৰ্থৰ পৰা জুই অধিক প্ৰসাৰিত হৈ পৰে।বৰ্তমান অগ্নিনিৰ্বাপক বাহিনীয়ে জুই নুমুৱাৰ প্ৰয়াস অব্যাহত ৰাখিছে। উল্লেখ্য যে ১২ ফেব্ৰুৱাৰীত ৰাজধানী মহানগৰখনৰ এখন হোটেলত অগ্নিকাণ্ড সংঘটিত হৈ ১৭ জন লোকৰ মৃত্যু ঘটিছিল।