সুধাকণ্ঠক 'ভাৰত ৰত্ন' প্ৰদানক লৈ কংগ্ৰেছ নেতাৰ অসন্তুষ্টি : অসমত তীব্ৰ প্ৰতিক্ৰিয়া

সুধাকণ্ঠ ডঃ ভূপেন হাজৰিকাক কেন্দ্ৰীয় চৰকাৰে 'ভাৰত ৰত্ন' প্ৰদান কৰাক লৈ অসন্তুষ্টি প্ৰকাশ কৰিছে জ্যেষ্ঠ কংগ্ৰেছ নেতা মল্লিকাৰ্জুন খাৰ্গেই।

ডঃ হাজৰিকা আৰএছএছৰ আদৰ্শত বিশ্বাসী এগৰাকী কণ্ঠশিল্পী বুলি উল্লেখ কৰে খাৰ্গেই। কৰ্ণাটকৰ সদ্য প্ৰয়াত প্রসিদ্ধ ধৰ্মগুৰু শিৱকুমাৰ স্বামীক 'ভাৰত ৰত্ন' প্ৰদান নকৰাত ক্ষোভ প্ৰকাশ কৰে কংগ্ৰেছ নেতাজনে। খাৰ্গেৰ এনে বক্তব্যৰ বাবে এতিয়া অসমত তীব্র প্ৰতিক্ৰিয়াৰ সৃষ্টি হৈছে। অসমীয়া জনতাই খাৰ্গেক তীব্র সমালোচনা কৰিছে।