পোন প্ৰথম বাৰৰ বাবে প্ৰ মাষ্টাৰছ বেডমিণ্টন লীগলৈ অসম দল

শুকুৰবাৰে গুৱাহাটী প্ৰেছক্লাবত ৰাইন'স্মেচাৰ্চে এখন সংবাদ মেলৰ আয়োজন কৰে।উক্ত সংবাদ মেলত নিতা শৰ্মাৰ মালিকানাধীন ৰাইন'স্মেচাৰ্চে অহা ৩০,৩১,আৰু ১ আগষ্টত বিচাখাপট্টনমত অনুষ্ঠিত হবলগীয়া প্ৰ মাষ্টাৰছ বেডমিণ্টন লীগলৈ পোন প্ৰথম বাৰৰ বাবে অসমৰ পৰা এটা দলে যোগদান কৰিব বুলি অৱগত কৰে।

৩৫ বছৰৰ উৰ্ধৰ ৰাষ্ট্ৰীয় পৰ্য্যায়ৰ এই বেডমিণ্টন লীগত অসমৰ উপৰিও দিল্লী,হিমাচল প্ৰদেশ,পশ্চিমবংগ,হাইদৰাবাদেও যোগদান কৰিব বুলি সদৰী কৰে। ভাৰতবৰ্ষৰ জাতীয় দলৰ খেলুৱৈ সমীৰ আব্বাচি,সঞ্জয় মিশ্ৰ,বিভোৰৰ উপৰিও অসমৰ বিজয় বৰ্মন,সুমিত্রা পূজাৰী,পৰাণ হাজাৰিকাকে ধৰি বহু খেলুৱৈৱে অংশগ্ৰহণ কৰিব লগীয়া এই খেলখন পৰৱৰ্তী সময়ত অসমতো অনুষ্ঠিত কৰাৰ চিন্তা চৰ্চা কৰি থকা বুলি সাংবাদমেলৰ  আয়োজক অনুষ্ঠানটোৰ হৈ নিতা শৰ্মাই  জানিবলৈ দিয়ে । সংবাদ মেল খনত নিতা শৰ্মা, সন্দিপ হাজৰিকাকে ধৰি বহু লোক উপস্থিত থাকে ।