গোলাঘাটত ৩,৮৬,৮৪১ ভোটাৰে নিৰ্ণয় কৰিব পঞ্চায়ত প্ৰাৰ্থীৰ ভাগ্য

গোলাঘাটৰ পৰা মীনাক্ষী ফুকন

গোলাঘাট সদৰ মহকুমাৰ অন্তৰ্গত বিভিন্ন জিলা পৰিষদ, আঞ্চলিক পঞ্চায়ত, গাঁও পঞ্চায়ত নিৰ্বাচনত প্ৰাৰ্থীৰ মনোনয়ন দাখিলৰ অন্তিম তাৰিখ হোৱাৰ পৰিপ্ৰেক্ষিতত আজি গোলাঘাটৰ উপায়ুক্ত কাৰ্যালয়ৰ সন্মুখত প্ৰাৰ্থীৰ লগতে সমৰ্থনত ওলাই অহা লোকেৰে লোকাৰণ্য হয় উপায়ুক্ত কাৰ্যালয়ৰ চৌহদ ।

মুঠ ৬৩২টা ভোটগ্ৰহণ কেন্দ্ৰ থকা মহকুমাটোত ১৬৬টা স্পৰ্শকাতৰ ভোটগ্ৰহণ কেন্দ্ৰ থকাৰ লগতে ৩৮টা অতি স্পৰ্শকাতৰ কেন্দ্ৰ থকাৰ কথা ইতিপূৰ্বে জিলা প্ৰশাসনৰ পৰা জনোৱা হৈছে ।

মনোনয়ন-পত্ৰ দাখিলৰ সময়সীমা বিয়লি ৩ বজালৈকে নিৰ্ধাৰণ কৰি দিয়াত চহৰখনত সমৰ্থকৰ ভিৰে যান-জঁটৰো সৃষ্টি কৰি এক উৎসৱমুখৰ পৰিবেশৰ সৃষ্টি কৰে ।