বঙাইগাঁৱত পথৰ দাঁতিত উদ্ধাৰ মৃতদেহ

বঙাইগাঁও চহৰৰ পৰা চাপৰাকাটা সংযোগী উপপথৰ বাখাৰাপাৰাত আজি দুপৰীয়াৰ ভাগত এজন লোকৰ মৃতদেহ উদ্ধাৰ হয় ৷ পথৰ দাঁতিত পৰি থকা অৱস্থাত আৰক্ষীয়ে উদ্ধাৰ কৰা মৃতদেহটো ছিটকাগাঁও পুৰণিপাৰাৰ বস্তা ৰায় (৪০) বুলি চিনাক্ত কৰা হয় ৷

জানিব পৰা মতে, বস্তা ৰায়ে বঙাইগাঁও চহৰৰ পৰা যাত্ৰীবাহী টেম্প'ত উঠি নিজগৃহ অভিমুখে গৈ থকা অৱস্থাত বাখাৰাপাৰাত হঠাতে বাহনখনৰ পৰা ছিটিকি পৰে আৰু ঘটনাস্থলীতে লোকজনৰ মৃত্যু হয় ৷

পিচত আৰক্ষীয়ে খবৰ পাই ঘটনাস্থলীত উপস্থিত হয় আৰু মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ প্ৰেৰণ কৰে ৷

উল্লেখ্য যে লোকজন টেম্প'ৰ পৰা পৰি মৃত্যুক সাবটি ল'বলগীয়া হোৱাৰ পিচতো টেম্প'খনৰ চালকে ঘটনাৰ বিষয়ে আৰক্ষীক অৱগত কৰা নাছিল বুলি জানিব পৰা গৈছে ৷

ইতিমধ্যে যান-বাহন আৰক্ষীয়ে জানিবলৈ দিয়ামতে যিখন টেম্প'ৰ পৰা পৰি লোকজনৰ মৃত্যু হৈছে সেই টেম্প'খনৰ অনুসন্ধান অব্যাহত ৰাখিছে ৷