কলিয়াবৰত অৱসৰপ্ৰাপ্ত কৃতী শিক্ষকৰ মৃত্যুত শোক

নগাঁৱৰ পৰা ঋতুপৰ্ণ শৰ্মা

কলিয়াবৰৰ মিছা পানীগাঁও নিবাসী অৱসৰপ্ৰাপ্ত কৃতী শিক্ষক ডম্বৰুধৰ মেধিযে আজি পুৱতি নিশা গুৱাহাটীৰ এখন ব্যক্তিগত চিকিৎসালয়ত শেষ নিশ্বাস ত্যাগ কৰে ৷

বাৰ্ধক্যজনিত ৰোগত ৮৩ বছৰ বয়সত মৃত্যু হয় মেধিৰ ৷ সুদক্ষ অভিনেতা, সমাজ সংগঠক তথা অৱসৰপ্ৰাপ্ত কৃতী শিক্ষকগৰাকীৰ মৃত্যুত শোকৰ ছাঁ পৰিছে কলিয়াবৰত ৷

ডম্বৰুধৰ মেধিৰ নশ্বৰ দেহ মিছা পানীগাঁৱৰ নিজ বাসগৃহলৈ অনাৰ পিছতে বিভিন্ন অনুষ্ঠান-প্ৰতিষ্ঠানে তেখেতলৈ শেষ শ্ৰদ্ধাঞ্জলি জ্ঞাপন কৰে ৷

মৃত্যুৰ সময়ত তেখেতে পত্নী, তিনি পুত্ৰ আৰু দুই জীয়ৰীক ইহসংসাৰত এৰি থৈ গৈছে ৷