সোণাৰিত নাগৰিকত্ব সংশোধনী বিধেয়ক বাতিলৰ দাবীত কৃষক মুক্তিৰ প্ৰতিবাদী সমদল

সোণাৰিৰ পৰা ঘন বৰা

চৰাইদেউ জিলাৰ সোণাৰিত নাগৰিকত্ব সংশোধনী বিধেয়ক,২০১৬ বাতিলৰ লগতে কৃষকক ম্যাদী পট্টা প্ৰদানৰ দাবীত কৃষক মুক্তি সংগ্ৰাম সমিতিয়ে গণ সত্যাগ্ৰহ কাৰ্যসূচী পালন কৰে ।

সোণাৰি ৰাজহুৱা খেলপথাৰৰ পৰা বিশাল প্ৰতিবাদী সমদল বাহিৰ কৰি চৰাইদেউ জিলা উপাযুক্ত কাৰ্যালয় ঘেৰাও কৰি তীব্ৰ প্ৰতিবাদ সাব্যস্ত কৰে কৃষক মুক্তি সংগ্ৰাম সমিতিয়ে ।

বেদান্ত লস্কৰ উপস্থিত থকা প্ৰতিবাদী কাৰ্যসূচীত বিজেপি চৰকাৰক তীব্ৰ ভাষাৰে সমালোচনা কৰি বিভিন্ন সমস্যা সমাধানৰ দাবীত শ্লোগান দিয়ে প্ৰতিবাদকাৰীসকলে ।