জেংৰাইমুখত শোকাৱহ পথ দুৰ্ঘটনা : শিশুসহ ১১জনৰ অৱস্থা সংকটজনক

মাজুলীৰ পৰা ৰাজীৱ পাটিৰ

মাজুলীৰ জেংৰাইমুখত আজি দিনৰ প্ৰায় ১২.৪৫ বজাত শোকাৱহ পথ দুৰ্ঘটনা সংঘটিত হয় । এই দুৰ্ঘটনাত পাঁচমহীয়া শিশুসহ এঘাৰজনৰ অৱস্থা সংকটজনক বুলি জানিব পৰা গৈছে ।

ঘটনা সন্দৰ্ভত স্থানীয় প্ৰত্যক্ষদৰ্শীয়ে জনোৱা মতে এ এছ-০৩ বি চি-৫৪৯০ নম্বৰৰ টাটা মেজিক গাড়ীখন জেংৰাইমুখৰ পৰা উজনি মাজুলীৰ নঞাবজাৰলৈ তীব্ৰবেগত গৈ থকা অৱস্থাতে নিয়ন্ত্ৰণ হেৰুৱাই জেংৰাইমুখৰ কুমাৰবাৰী অংশৰ দ খাৱৈত পৰে ।স্থানীয় লোকে তৎপৰতা গ্ৰহণ কৰি যাত্ৰীসকলক উদ্ধাৰ কৰি জেংৰাইমুখ ক্ষুদ্ৰ প্ৰাথমিক স্বাস্থ্য কেন্দ্ৰত ভৰ্তি কৰায় ।

আহত লোকসকলৰ অৱস্থা সংকটজনক হোৱাৰ প্ৰতি লক্ষ্য ৰাখি গড়মূৰ পীতাম্বৰদেৱ অসামৰিক চিকিৎসালয়লৈ প্ৰেৰণ কৰা হৈছে । আহতসকলৰ ভিতৰত ৫ মহীয়া শিশুৰ সৈতে মৃদুল বৰা (২৮), মনোৰঞ্জন মালা (১৫), কৃষ্ণা দেউৰী (৬০), শৰ্মিলা দেউৰী (৪০), চুনালী দেউৰী (১৮), কবিতা দেউৰী (১৯), মাইজনী দেউৰী সোণোৱাল (২৯), জেস্মিন দেউৰী (২২), ৰুণুমা দেউৰী (৪৫), পুটুমাই শইকীয়া (৫০) বুলি জানিব পৰা গৈছে ।