নগাঁৱৰ কেন্দুগুৰিত উদ্ধাৰ গুলীবিদ্ধ যুৱক

নগাঁৱৰ হেৰাপট্টি কেন্দুগুৰিত গুলীচালনাৰ ৰহস্যজনক ঘটনা ৷ হেৰাপট্টি কেন্দুগুৰিত গুলীবিদ্ধ অৱস্থাত উদ্ধাৰ নুৰু হুছেইন নামৰ এজন যুৱক ৷

পুৱা গুলীবিদ্ধ নুৰুক স্হানীয় লোকে প্ৰত্যক্ষ কৰি ততাতৈয়াকৈ ভৰ্তি কৰে নগাঁও অসামৰিক চিকিৎসালয়ত ৷ হেৰাপট্টিৰ ইছাদ আলী নামৰ এজনে গুলীচালনা কৰাৰ অভিযোগ ৷

 ডকাইতৰ দুটা ফৈদৰ মাজত হোৱা সংঘাতৰ বাবেই এই গুলীচালনাৰ ঘটনা সংঘটিত হোৱা বুলি স্হানীয় একাংশই প্ৰকাশ কৰিছে ৷

এই ৰহস্যজনক গুলীচালনা ঘটনাৰ সন্দৰ্ভত তদন্ত আৰম্ভ কৰিছে নগাঁও আৰক্ষীয়ে ।