সোণাৰিৰ বেঙেনাবাৰীত জোনাকী মেল

চৰাইদেউ জিলাৰ সদৰ সোণাৰিৰ পৰা প্ৰকাশিত পষেকীয়া সংবাদপত্ৰ চৰাইদেউ বাতৰিকাকত গোষ্ঠীৰ উদ্যোগত, চৰাইদেউ জিলা প্ৰশাসনৰ সহযোগত গীতিকবি পাৰ্বতী প্ৰসাদ বৰুৱাৰ অনুপম সৃষ্টি "জোনাকী মেল"খনি সোণাৰিৰ বেঙেনাবাৰী টীয়কহাবি প্ৰাথমিক বিদ্যালয় খেলপথাৰত অনুষ্ঠিত হয় ।

টীয়কহাবি গাঁৱৰ ৰাইজৰ আতিথ্যত অনুষ্ঠিত জোনাকী মেলত বৰমেলুৱৈ মণি গগৈৰ পৰিচালনাত অতিথিৰূপে উৎপল ফুকন, পদ্মেশ্বৰ আৰন্ধৰা, প্ৰদীপ বসুমতাৰী, কান্তেশ্বৰ বসুমতাৰী, ডাঃ দেৱজিত খাটনিয়াৰ, মৃণাল খনিকৰ আদি উপস্থিত থাকি জোনাকী মেলৰ তাৎপৰ্য ব্যাখ্যা কৰে ।

জোনাকী মেলৰ আৰম্ভণিতে মঞ্জুলা গগৈৰ কণ্ঠত পাৰ্বতী বৰুৱাৰ গীতেৰে অনুষ্ঠানটি মুকলি কৰে । অনুষ্ঠানত কণ কণ ছাত্র-ছাত্ৰীসকলে গীত, নৃত্য, কবিতা আদি পৰিৱেশন কৰে ।