সোণাৰিত গাড়ীসহ চোৰাং কাঠ জব্দ

চৰাইদেউ জিলাৰ সোণাৰিত গাড়ীসহ চোৰাং কাঠ জব্দ কৰে সোণাৰিৰ নাফুক আঞ্চলিক বন সংমণ্ডলৰ কৰ্মীসকলে । গাড়ীখনৰ পৰা প্ৰায় ১ লাখ টকাৰো অধিক পৰিমাণৰ কাঠ জব্দ কৰা হয় ।

অভয়পুৰ সংৰক্ষিত বনাঞ্চলৰ পৰা সোণাৰি দিশে আহি থকা অৱস্থাত এ এছ-০৪ বি চি-০৮১২ নম্বৰ গাড়ীখন চোৰাং কাঠসহ জব্দ কৰে । উক্ত কাঠখিনি সোণাৰিৰ জনৈক হবিব ৰহমান নামৰ বক্তিজনে আনিছিল ।

নিতৌ অভয়পুৰ বনাঞ্চলৰ পৰা চোৰাং ব‍্যৱসায়ীয়ে বহু মূল‍্যৱান কাঠ কাটি বহুতো জিলালৈ ৰপ্তানি কৰি বন বিভাগৰ চকুত ধূলি দি ৰমৰমীয়া বেপাৰ কৰি আহিছে । যাৰফলত বনাঞ্চল ধ্বংস হোৱাৰ ফলত হাতী-মানুহৰ সংঘাত হ'বলগীয়া হৈছে ।

ইফালে গাড়ীখনৰ মালিক জনৈক নাজিম বুলি বন বিভাগে জানিবলৈ দিছে যদিও মূল্যৱান কাঠৰ মালিকক এতিয়াও আটক কৰিবলৈ সক্ষম হোৱা নাই ।