বঙাইগাঁৱত অতিৰিক্ত পৰিমাণৰ বালি কঢ়িওৱা ডাম্পাৰ জব্দ 

বঙাইগাঁও আই উপত্যকা বন সংমণ্ডলৰ অধীনৰ বন সুৰক্ষা বাহিনীয়ে আজি চাপৰাকাটাৰ ৰাষ্ট্ৰীয় ঘাইপথত অভিযান চলাই নিৰ্দিষ্ট পৰিমাণতকৈ অধিক পৰিমাণৰ বালি কঢ়িওৱা দুখন ডাম্পাৰ জব্দ কৰে ৷

জব্দ কৰা এন এল-০১ এন-৪৬৪৮ আৰু এ এছ-১৬ চি-৩৬১২ নম্বৰৰ ডাম্পাৰ দুখনে চিৰাং জিলাৰ আমগুৰি অঞ্চলৰ পৰা বালি কঢ়িয়াই যোগীঘোপা আৰু গোৱালপাৰালৈ  লৈ গৈ আছিল ৷

বন বিভাগে জনোৱা মতে, একোখন  ডাম্পাৰে ৬ চিএম কৈ বালি কঢ়িয়াব পাৰে যদিও ১৫ চিএমমানকৈ বালি কঢ়িয়াইছিল ৷

জব্দ কৰা ডাম্পাৰ দুখন পিছত বঙাইগাঁও আই উপত্যকা বন সংমণ্ডলৰ কাৰ্যালয়লৈ আনে ৷