স্বচ্ছ ভাৰত অভিযানৰ অংশ হিছাপে জনস্বাস্থ্য কৰিকৰী বিভাগ, টংলা সংমণ্ডলৰ উদ্যোগত আজি কলাইগাঁও ৰাজহ চক্ৰ বিষয়াৰ কাৰ্যালয় প্ৰাঙ্গণত 'স্বচ্ছতাই সেৱা' শীৰ্ষক এখন সভা অনুষ্ঠিত হয় ।
স্বচ্ছতাই সেৱা শীৰ্ষক সভাখনত উপস্থিত থাকে কলাইগাঁও ৰাজহ চক্ৰ বিষয়া বিৰাজ কুমাৰ বৰুৱা, জনস্বাস্থ্য কাৰিকৰী বিভাগৰ টংলা সংমণ্ডলৰ সহকাৰী কাৰ্যবাহী অভিযন্ত্ৰা তথা স্বচ্ছ ভাৰত অভিযানৰ নডেল বিষয়া নামেশ্বৰ টায়েং ।
শিলপোটা মৌজাৰ মৌজাদাৰ কমল প্ৰসাদ শৰ্মা, কলাইগাঁও উচ্চতৰ মাধ্যমিক বিদ্যালয়ৰ সহকাৰী শিক্ষক প্ৰতাপ ভট্ৰাচাৰ্য, শাখা বিষয়া গণৰাম কলিতা আৰু অগ্নি নিৰ্বাপক বাহিনীৰ লোকো সভাত উপস্থিত থাকে ।
সভাৰ অন্তত হাতে হাতে ঝাৰু, টুপি, মাক্স আদি পৰিধান কৰি কলাইগাঁৱৰ কেইবা ঠাইটো ঝাৰু মাৰি চাফ-চিকুণ কৰি সজাগতা সৃষ্টি কৰা পৰিলক্ষিত হয় ।
ইফালে কলাইগাঁও উচ্চতৰ মাধ্যমিক বিদ্যালয়ত কলাইগাঁও ব্যৱসায়ী সন্থা আৰু ই-ৰিক্সা চালক সন্থায়ো আজি পৰিবেশ নিকাকৰণ কাৰ্যসূচী ৰূপায়ণ কৰে ৷
এই কাৰ্যসুচী উদ্বোধন কৰে বিটিচিৰ ই এম জগদীশ সৰকাৰে ।
- Log in to post comments
- 65 views
