বইটামাৰীত ভূমি বিবাদৰ পৰিণতি : প্ৰতিবেশীয়ে কোৰেৰে ঘপিয়ালে মহিলাক

বঙাইগাঁও জিলাৰ বইটামাৰী আৰক্ষী চকীৰ অন্তৰ্গত মলিগাঁৱত ভূমি বিবাদে ভয়ংকৰ ৰূপ ধাৰণ কৰিলে ।

গাঁওখনৰ নিৰুবালা নাথ (৪৮) নামৰ মহিলাগৰাকীক প্ৰতিবেশী নাৰায়ণ নাথ নামৰ লোকজনে আজি পুৱাৰ ভাগত কোৰ এখনেৰে ঘপিয়ায় ।

পৰিয়াল দুটাৰ মাজত দীৰ্ঘদিন ধৰি ভূমিক লৈ কাজিয়া চলি আছিল ।

মহিলাগৰাকীক লগে লগে বইটামাৰী আদৰ্শ চিকিৎসালয়ত ভৰ্তি কৰায় ।

বৰ্তমানো মহিলাগৰাকী চিকিৎসাধীন অৱস্থাত আছে ।

আৰক্ষীয়ে নাৰায়ণ নাথক বিচাৰি আছে যদিও ঘাতক নাৰায়ণ পলাতক হৈ আছে ।