নগাঁৱত পৃথক দুৰ্ঘটনাত দুজন নিহত : আহত ৫

নগাঁও জিলাৰ পশ্চিম প্ৰান্তত বৃহস্পতিবাৰে সংঘটিত দুটা পৃথক দুৰ্ঘটনাত দুজন নিহত হোৱাৰ লগতে আন দুজন আহত হয় ।

ইয়াৰে  প্ৰথম ঘটনাটো সংঘটিত হয় ধিঙৰ সৰু ৰাধাআটি গাঁৱত । প্ৰাপ্ত বাতৰি মতে, ধিং আৰক্ষী থানাৰ অন্তৰ্গত সৰু ৰাধাআটি গাঁৱত ধিঙৰ পৰা ডুমডুমীয়া অভিমুখে ধিং-ডুমডুমীয়া গড়কাপ্তানী পথেৰে তীব্ৰ বেগেৰে গৈ থকা অৱস্থাত ধান কঢ়িয়াই নিয়া এখন টাটা ২০৭ ডি আই গাড়ী নিয়ন্ত্ৰণ হেৰুৱাই পথৰ পৰা দ খাৱৈত বাগৰি পৰে ।

ফলত প্ৰাণ ৰক্ষাৰ বাবে গাড়ীচালক ৰফিকুল ইছলামে (২৮) গাড়ীৰ পৰা জঁপিয়াই যদিও ঘটনাস্থলীতে তেওঁৰ মৃত্যু হয় । নিহত ৰফিকুলৰ ঘৰ বটদ্ৰবাৰ ৰামপুৰ গাঁৱত । ইপিনে গাড়ীখনত থকা  আন ৫জন লোক আহত হয় ।

দ্বিতীয়টো ঘটনা সংঘটিত হয় চামগুৰিৰ  হাঁহচৰাত । খাটোৱাল থানাৰ অন্তৰ্গত  কুৰুৱাবাহীৰ গোবিন  চন্দ্ৰ বৰাই (৫৮) এ এছ-০২ এছ-০৯৭৪ নম্বৰৰ মটৰচাইকেলখনেৰে চামগুৰিৰ পৰা ঘৰলৈ আহি থকা অৱস্থাত একে দিশেৰে আহি  থকা এ এছ-০৪ ডি-৫৫৫১ ব্ৰইলাৰ কঢ়িওৱা ট্ৰাক এখনে মহতিয়াই নিয়াৰ ফলত লোকজন নিহত হয় ।