১০০ কোটিৰ ঘৰ অতিক্ৰম কৰিলে দ্য কাশ্মীৰ ফাইলছে

নিউজ ডেস্ক:
মুক্তি লাভৰ ৮ দিনত পিছত ১০০ কোটিৰ ঘৰ অতিক্ৰম কৰিলে বিবেক অগ্নিহোত্ৰীৰ পৰিচালিত ‘দ্য কাশ্মীৰ ফাইলছে’ ৷ গুৰুত্বপূৰ্ণ কথা এই যে দ্য কাশ্মীৰ ফাইলছৰ অষ্টম দিনাৰ উপাৰ্জনৰ ক্ষেত্ৰত আমিৰ খানৰ ‘ডংগল’ ছবিৰ অভিলেখো ভংগ কৰিবলৈ সক্ষম হৈছে।বাণিজ্য বিশ্লেষকৰ মতে,মুক্তি লাভৰ  অষ্টম দিনা অৰ্থাৎ শুকুৰবাৰে দ্য কাশ্মীৰ ফাইলছে উপাৰ্জন কৰিছে ১৯.১৫ কোটি টকা।ছবিখনৰ সৈতে জড়িত এক সূত্ৰই সদৰী কৰা মতে, দ্য কাশ্মীৰ ফাইলছৰ হিন্দীত অভূতপূৰ্ব জনপ্ৰিয়তাৰ পিছত এইবাৰ কানাড়া, তেলেগু, তামিল আৰু মালায়ালমতো ডাবিং কৰাৰ পৰিকল্পনা কৰা হৈছে।