গোলাঘাটত অঘটন : গুৰু জয়ন্তীৰ অনুষ্ঠানতে যুৱকৰ আকস্মিক মৃত্যু

আজি গোলাঘাটৰ দাঁতিকাষৰীয়া কমাৰবন্ধা অঞ্চলৰ বকটিয়াল নামঘৰত শ্ৰীমন্ত শংকৰদেৱৰ ৫৭০সংখ্যক জন্মজয়ন্তী পালন কৰি থকাৰ সময়তে এক মৰ্মান্তিক ঘটনা সংঘটিত হ'য় ।

জানিব পৰামতে, বৰজান নাওশলীয়া গাঁৱৰ ৰমেন কৰ্মকাৰ নামৰ কলেজীয়া যুৱকজনে জন্মজয়ন্তী উপলক্ষে উলিওৱা ভাগৱত ভ্ৰমণৰ শোভাযাত্ৰাত খোল বাদন কৰি থকা অৱস্থাত হঠাৎ ঢলি পৰে ।

যুৱকজনক ততাতৈয়াকৈ চিকিৎসালয়লৈ নিয়া হ'য় । পিছত চিকিৎসকে পৰীক্ষাৰ অন্তত যুৱকজনক মৃত বুলি ঘোষণা কৰে ।

এনে ধৰ্মীয় অনুষ্ঠানৰ উৎসৱমুখৰ পৰিবেশত হঠাৎ যুৱকজনৰ মৃত্যুৰ বাতৰি বিয়পি পৰাৰ লগে লগে অঞ্চলটোত এক শোকাকুল পৰিবেশৰ সৃষ্টি হয় ৷

ৰাইজে মৃত যুৱকজনৰ আত্মাৰ সদগতি কামনা কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে ।