হৰিনামৰ ধ্বনিৰে মুখৰিত গোলাঘাট চহৰ

মহাপুৰুষ শ্ৰীমন্ত শংকৰদেৱৰ ৫৭০সংখ্যক জন্মজয়ন্তী উপলক্ষে আজি গোলাঘাট চহৰৰ প্ৰতিটো ৱাৰ্ড তথা পঞ্চায়তৰ স্থানীয় নামঘৰত গুৰুজনাৰ গুণানুকীৰ্তন কৰি হৰিনামৰ ধ্বনিৰে এক ধৰ্মীয় পৰিবেশৰ সৃষ্টি কৰে ।

 চহৰখনৰ কুমাৰপট্টি নামঘৰ, বেঙেনাখোৱা বৰনামঘৰ, উমাচৰণ কাকতি ফুকন নামঘৰ আদিকে কৰি ধৰ্মীয় অনুষ্ঠানসমূহত এই উপলক্ষে ভক্তপ্ৰাণ ৰাইজে গুৰুজনাৰ ধৰ্মীয় বাণী প্ৰচাৰ কৰি, বৰগীত, লোকগীত আদি পৰিবেশনেৰে, জাতি-ধৰ্ম-বৰ্ণ নিৰ্বিশেষে সকলো ৰাইজ একত্ৰিত হৈ সাংস্কৃতিক শোভাযাত্ৰা উলিয়াই গুৰুজনাৰ গুণানুকীৰ্তনেৰে জয়ধ্বনি দি গোলাঘাটৰ আকাশ-বতাহ মুখৰিত কৰি তোলে ।

প্ৰধানকৈ কুমাৰপট্টি নামঘৰৰ বাৰেৰহণীয়া  সাংস্কৃতিক শোভাযাত্ৰাই চহৰখনত এক অনন্য পৰিবেশ সৃষ্টি কৰাৰ লগতে ৰাইজৰ দৃষ্টি আকৰ্ষণ কৰিবলৈ সক্ষম হয় ।