ৰাষ্ট্ৰীয় পৰ্যায়ত জিলিকিল শিৱাংগী শৰ্মা

নিউজ ডেস্ক :
ৰাষ্ট্ৰীয় পৰ্যায়ত অসমক গৌৰৱাম্বিত কৰিলে স্বৰ্ণ কন্যা শিৱাংগী শৰ্মাই। বেংগালুৰুত অনুষ্ঠিত হৈ থকা ৭৪ সংখ্যক ৰাষ্ট্ৰীয় ছিনিয়ৰ একোৱাটিক চেম্পিয়নশ্বিপত শিৱাংগী শৰ্মাই লাভ কৰিছে স্বৰ্ণ পদক। প্ৰতিযোগিতাখনৰ ৪০০ মিটাৰ ফ্ৰী ষ্টাইলত তেওঁ লাভ কৰিছে এই পদক। শিৱাংগীয়ে ৪ মিনিট ৩১.৮৬ ছেকেণ্ডত এই সাঁতােৰ সম্পূৰ্ণ কৰি প্ৰথম স্থান দখল কৰিবলৈ সক্ষম হয়।উল্লেখ্য যে দুবছৰ পূৰ্বে গুৱাহাটীত অনুষ্ঠিত খেলাে ইণ্ডিয়া গেমছত কেইবাটাও পদক জয়েৰে চমক সৃষ্টি কৰিছিল অসমৰ প্ৰতিভাৱান সাঁতােৰবিদ শিৱাংগী শৰ্মাই।
ক্ৰীড়া প্ৰাধিকৰণ অসমৰ মুখ্য প্ৰশিক্ষক বাবুল গুৰুং আৰু অসম সাতোঁৰ সংস্থাৰ সম্পাদক ভাস্কৰ দাসে শিৱাংগীৰ এই সাফল্যত উৎফুল্লিত হৈ পৰিছে ।