September
12
/ 2018
এক শোকাৱহ ঘটনা সংঘটিত হৈছে নগাঁও জিলাৰ কামপুৰৰ তেতেলিসৰা গাঁৱত ।
চাৰিদিন আগতে শোৱাপাটীৰ পৰাই নিখোজ হোৱা এজন যুৱকৰ মৃতদেহ উদ্ধাৰ হয় কামপুৰৰ কাকতিগাঁৱৰ হাৰিয়া নৈৰ বুকুত ।
জানিব পৰামতে, ৮ ছেপ্টেম্বৰৰ নিশা শোৱাপাটীৰ পৰা নিখোজ হৈছিল কামপুৰৰ তেতেলিসৰাৰ চন্দন দাস নামৰ যুবকজন ।
বিগত চাৰিদিনে যুবকজনৰ সন্ধানত পৰিয়ালৰ লোকে বিচাৰ-খোঁচাৰ কৰিছিল যদিও কোনো সম্ভেদ পোৱা নাছিল ।
কিন্ত বুধবাৰৰ পুৱাই যুৱকজনৰ মৃতদেহ কামপুৰৰ কাকতিগাঁৱৰ হাৰিয়া নৈত উদ্ধাৰ হয় ।
হাৰিয়ামুখৰ ভেটাত মাছমৰীয়াই উদ্ধাৰ কৰে মৃতদেহটো । পিছত ঘটনাস্থলীত আৰক্ষী উপস্থিত হৈ মৃতদেহটো চমজি লয় ।
উল্লেখ্য যে দীৰ্ঘদিন ধৰি ৰোগত আক্ৰান্ত হৈ আছিল যুৱকজন ।
- Log in to post comments
- 76 views
