অক্ষয় কুমাৰ,আলিয়া ভাটৰ পিছত ক'ৰ'নাৰ পৰা আৰোগ্য লাভ কৰিলে জনপ্ৰিয় অভিনেতা বিকী কৌশলে

দেশজুৰি ক'ৰ'না সংক্ৰমণ দ্ৰুত গতিত বৃদ্ধি পোৱাৰ সময়তে বলীউডতো কেইবাজনো জনপ্ৰিয় শিল্পী আক্ৰান্ত হৈছে।ক'ৰ'না আক্ৰান্ত হৈছিল অক্ষয় কুমাৰ, আলিয়া ভাট,মিলিন্দ সোমন,বিকী কৌশলৰ দৰে আগশাৰীৰ শিল্পী।কিন্তু,বৰ্তমান এই আটাইকেইজন তাৰকাই ক'ৰ'নাৰ পৰা আৰোগ্য লাভ কৰাত তেওঁলোকৰ গুণমুগ্ধসকলে আনন্দ অনুভৱ কৰিছে।

অক্ষয় কুমাৰ,আলিয়া ভাট,মিলিন্দ সোমনৰ পিছত একেবাৰে শেহতীয়াকৈ ক'ৰ'না নিগেটিভ হ'ল বিকী কৌশল।'উৰী' ছবিখনৰ বাবে প্ৰসিদ্ধ বিকীয়ে টুইটাৰযোগে নিজেই দিলে ক'ৰ'নাৰ পৰা আৰোগ্য লাভ কৰাৰ সংবাদ।এই সংবাদ পোৱাৰ পিছতো অভিনেতাজনৰ গুণমুগ্ধসকলে সামাজিক মাধ্যমত আনন্দ প্ৰকাশ কৰে।