নাগালেণ্ডত তিনিজন যুৱকক গুলীয়াই হত্যা কৰিলে অচিনাক্ত দুষ্কৃতিকাৰীয়ে

২২ মাৰ্চ সোমবাৰে নাগালেণ্ডৰ পেৰেন জিলাৰ লামহাইনডী গাঁৱত সন্ধিয়া নিজা মাটিত কাম কৰি থকা অৱস্থাত প্ৰায় ৩ৰপৰা ৪বজাৰ ভিতৰত অচিনাক্ত দুস্কৃতিকাৰীৰ দলে তিনিজন লোকক গুলীয়াই হত্যা কৰে ৷ উক্ত ঘটনাই চাঞ্চল্যৰ সৃষ্টি কৰিছে অঞ্চলটোত ।  সন্দেহ কৰা হৈছে এয়া কোনো মাটি-বাৰীক লৈ হোৱা সংঘাতৰ ফলাফল ৷

ঘটনাৰ পিছত গাঁওবাসীয়ে এখন বাহনৰ সৈতে মৃতদেহ কেইটা উদ্ধাৰ কৰে। জানিব পৰা গৈছে, নিহত লোককেইজন মূলতঃ বেনেৰেউ গাঁৱৰ। কিন্তু পেৰেন আৰক্ষীয়ে এই বিষয়ৰ ওপৰত কোনো তথ্য প্ৰকাশ কৰা নাই ৷ ফলত নিহত ব্যক্তি কেইজনক চিনাক্ত কৰিব পৰা হোৱা নাই ৷