ঘগ্ৰাপাৰ ৰাজহ চক্ৰ বিষয়াৰ কাৰ্যালয়ত স্বাধীনতা দিৱস উদযাপন:ক'ভিড-১৯ যোদ্ধাসকলক সম্বৰ্ধনা

দ্বিজেন ডেকা,ঘগ্ৰাপাৰঃ

সমগ্ৰ দেশৰ লগতে নলবাৰী জিলাৰ অন্তৰ্গত ঘগ্ৰাপাৰ ৰাজহ চক্ৰ বিষয়াৰ কাৰ্যালয়তো ৭৪ সংখ্যক  স্বাধীনতা দিৱস উদযাপন কৰা হয়।পুৱা ঘগ্ৰাপাৰ ৰাজহ চক্ৰ বিষয়া নন্দিতা হাজৰিকাই পতাকা উত্তোলন কৰাৰ পিছতে ক'ভিড -১৯ যোদ্ধা নাচিকুৰ ৰহমানসহ ছয়গৰাকী ক'ৰ'না প্ৰতিৰোধীক গামোচা,প্ৰশংসাপত্ৰৰে সম্বৰ্ধনা জনায়।নাচিকুৰ ৰহমানক চক্ৰ বিষয়া নন্দিতা হাজৰিকাই এটা স্প্ৰে মেচিন অৰ্পণ কৰে।উল্লেখ‍্য,নাচিকুৰে তলাবন্ধৰ সময়ত বৃহত্তৰ ঘগ্ৰাপাৰ অঞ্চলটোৰ বিভিন্ন অনুষ্ঠান-প্ৰতিষ্ঠানত নিজৰ ধন খৰচ ছেনিটাইজেশ‍্যন কৰি অলপ হ'লেও ক'ৰ'না ৰোধত সহায় কৰিছিল।