অযোধ্যাত ৰাম মন্দিৰ নিৰ্মাণৰ উপলক্ষত শিৱসাগৰত হনুমান মন্দিৰত শ্ৰীৰাম মহাযজ্ঞ সম্পন্ন

শিৱসাগৰৰ পৰা কল্যাণজ্যোতি বুঢ়াগোহাঁই:

বহু প্ৰতীক্ষাৰ অন্ত পেলাই বুধবাৰে অযোধ্যাত অনুষ্ঠিত হয় শ্ৰীৰাম মন্দিৰৰ ভূমি পূজন অনুষ্ঠান।শ্ৰীৰাম মন্দিৰৰ ভূমি পূজন উপলক্ষে ভক্তিৰসত বুৰ যায় সমগ্ৰ দেশ।ৰাজ্যখনৰ আন ঠাইসমূহৰ লগতে শিৱসাগৰতো বুুুধবাৰে স্থানীয় থানামুখ অঞ্চলৰ হনুমান মন্দিৰত শ্ৰীৰাম মহাযজ্ঞ অনুষ্ঠিত কৰা হয়।পণ্ডিত সুধীৰ কুমাৰ ঠাকুৰে যজ্ঞ সমাপন কৰা অনুষ্ঠানত বিশ্ব হিন্দু পৰিষদৰ প্ৰাক্তন জিলা সভাপতি হেম গগৈ, আৰএছএছৰ নগৰ সহ-কাৰ্যবাহ প্ৰণৱজিৎ দাস,বিজেপিৰ জিলা সভানেত্ৰী সুৰভি ৰাজকুঁৱৰী,সমীৰণ বৰদলৈ,ববী ডেকা কাকতি আৰু থানামুখ অঞ্চলৰ বহু লোক উপস্থিত থাকে।ইফালে সন্ধিয়ালৈ হনুমান মন্দিৰত ৪০০ গছ বন্তি প্ৰজ্বলন কৰা হয়।