ঘগ্ৰাপাৰৰ আল্লিয়াত কৃতীমান ছাত্ৰ-ছাত্ৰীক সম্বৰ্ধনা নলবাৰী অগপৰ 

দ্বিজেন ডেকা,ঘগ্ৰাপাৰ:

সোমবাৰে নলবাৰী সমষ্টিৰ অন্তৰ্গত ঘগ্ৰাপাৰৰ আল্লিয়া অঞ্চলৰ কৃতীমান ছাত্ৰ-ছাত্ৰীসকলক নলবাৰী জিলা অসম গণ পৰিষদৰ তৰফৰ পৰা সম্বৰ্ধনা জ্ঞাপন কৰে।লগতে দলটোৰ জিলা পৰ্যায়ৰ নেতাসকলে এক বিশেষ সাংগঠনিক আলোচনাত মিলিত হয়।অনাগত দিনত দলটোক কেনেকৈ আৰু অধিক শক্তিশালী কৰি আগুৱাই নিব পাৰি,তাৰ বাবে বিভিন্ন কাৰ্যপন্থা গ্ৰহণ কৰা হয়।অসম যুৱ পৰিষদৰ উপ-সভাপতি,নলবাৰীৰ যুৱ নেতা তথা বিশিষ্ট অভিনেতা দিলীপ দাসৰ নেতৃত্বত হাইস্কুল শিক্ষান্ত পৰীক্ষাত সুখ্যাতিৰে উৰ্ত্তীণ হৈ আল্লিয়া গাঁৱলৈ গৌৰৱ কঢ়িয়াই অনা কৃতীমান ছাত্ৰ-ছাত্ৰীক গামোচা,অভিনন্দন -পত্ৰৰে সম্বৰ্ধনা জ্ঞাপন কৰে।অনুষ্ঠানত  উপস্থিত থাকে নলবাৰী সমষ্টি অসম গণ পৰিষদৰ সভাপতি নৰেন দাস,নলবাৰী জিলা অসম যুৱ পৰিষদৰ সম্পাদক গকুল মহন্ত সহিতে দলৰ ভালেসংখ্যাক নিষ্ঠাবান জ‍্যেষ্ঠ নেতা-কৰ্মী।উল্লেখ‍্য‍ যে যুৱনেতা দাসে ইতিমধ্যে নলবাৰী সমষ্টিটোত তলাবন্ধৰ সময়ত বিভিন্নজনক সহায় হাত আগবঢ়াই অহাৰ লগতে শেহতীয়াভাৱে সমষ্টিৰ কৃতীমান শিক্ষাৰ্থীসকলক সম্বৰ্ধনা জনাই আহিছে বুলি জানিবলৈ দিয়ে।