সদ‍্য প্ৰয়াত বিজেপি নেতা সীমান্ত পাঠকক স্মৰণ ঘগ্ৰাপাৰ বিজেপিৰ 

দ্বিজেন ডেকা,ঘগ্ৰাপাৰ:

সদ‍্য প্ৰয়াত ঘগ্ৰাপাৰ ৰাজহচক্ৰৰ অন্তৰ্গত আকনা গাঁও নিৱাসী তথা বিজেপিৰ নেতা সীমান্ত পাঠকক দেওবাৰে বড়িগোগ বনভাগ মণ্ডল সমিতিয়ে শ্ৰদ্ধাৰে স্মৰণ কৰে।উল্লেখ‍্য‍ যে ভাৰতীয় জনতা পাৰ্টীৰ, বড়িগোগ বনভাগ মন্ডল বিজেপিৰ অন্তৰ্গত ১৪ নং গাওঁ পঞ্চায়তৰ ভাজপাৰ আকনা বুথৰ সভাপতি সীমন্ত পাঠকৰ যোৱা তিনি জুলাইত বৃক্ক-যকৃতৰ ৰোগত আক্ৰান্ত হৈ মৃত্যু হৈছিল।এইগৰাকী নেতাক বড়িগোগ বনভাগ মণ্ডলৰ তৰফৰ পৰা তেওঁৰ গৃহত শ্ৰদ্ধাঞ্জলি জ্ঞাপন কৰা হয়।উক্ত কাৰ্যসূচীত উপস্থিত থাকে প্ৰয়াত সীমান্ত পাঠকৰ পত্নী কৰৱী কুমাৰী (পাঠক)সহ পৰিয়ালবৰ্গৰ লগতে বড়িগোগ বনভাগ মণ্ডল ভাজপাৰ সম্পাদকদ্বয় ক্ৰমে মনোজ ডেকা আৰু বিজয় বৰ্মন,কোষাধক্ষ্য জয়ন্ত তালুকদাৰ, সম্পাদক বুবুল দাস,১৪ নং গাওঁ পঞ্চায়তৰ সভানেত্ৰী নমিতা ৰাজবংসী, আঞ্চলিক সদস্যা মণিকা ভড়ালী,বড়িগোগ বনভাগ মণ্ডল যুৱ মৰ্চাৰ সভাপতি দীপক কাকতিৰ লগতে ভাৰতীয় জনতা পাৰ্টীৰ কাৰ্যকৰ্তা তথা স্থানীয় ৰাইজ।

অনুষ্ঠানত বড়িগোগ বনভাগ মণ্ডল বিজেপিৰ সাধাৰণ সম্পাদক দ্বয় ক্ৰমে মনোজ ডেকা আৰু বিজয় বৰ্মনে ভাষণত প্ৰয়াত পাঠকৰ স্মৃতি ৰোমন্থন কৰি আৱেগিক হৈ পৰে।স্মৃতি স্মৰণৰ কৰা পূৰ্বে প্ৰয়াত পাঠকৰ প্ৰতিচ্ছবিত মাল্যাৰ্পণ কৰে পত্নী কৰৱী কুমাৰী পাঠকে।লগতে,নেতাগৰাকীৰ প্ৰতিচ্ছবিত বন্তি আৰু  পুষ্পাঞ্জলি অৰ্পণ কৰে প্ৰয়াত পাঠকৰ গুণগ্ৰাহীসকলে।