মালিকুছিলৈ গৌৰৱ কঢ়িয়াই আনিলে কৃতী ছাত্ৰী অন্বেষা শৰ্মাই

দ্বিজেন ডেকা,ঘগ্ৰাপাৰ:

সদ্য ঘোষিত উচ্চতৰ মাধ্যমিক চূড়ান্ত পৰীক্ষাত বাণিজ্য শাখাত নলবাৰী জিলাৰ মালিকুছি গাঁঁৱৰ তৃষ্ণা দেৱীয়ে অষ্টম স্থান দখল কৰাৰ পিছতে বুুধবাৰে ঘোষিত চিবিএছইৰ দশম শ্ৰেণীৰ পৰীক্ষাৰ ফলাফলত অন্বেষা শৰ্মাই জিলাখনৰ ভিতৰতে সৰ্বোচ্চ নম্বৰ লাভ কৰাত গাঁঁওখনত পুনৰ আনন্দৰ জোৱাৰ উঠিছে।অন্বেষাক লৈ গৌৰৱান্বিত সমগ্ৰ মালিকুছিবাসী।অন্বেষাই লাভ কৰে ৯৮শতাংশ নম্বৰ।নলবাৰী জিলাৰ নালন্দা পাব্লিক স্কুলৰ শিক্ষাৰ্থীগৰাকীয়ে পৰীক্ষাৰ আগতে দৈনিক ৮, ৯ ঘণ্টা পঢ়িছিল।মালিকুছিৰ বিৰিঞ্চি শৰ্মা আৰু ৰুণুমী দেৱীৰ কন্যা অন্বেষাৰ এনে সফলতাক নলবাৰীৰ বৌদ্ধিক সমাজে আদৰণি জনাইছে।মালিকুছি শ্যামৰাই সত্ৰ পৰিচালনা সমিতিৰ সভাপতি কেশৱ বৰ্মন, কাৰ্যকৰী সভাপতি ভুৱনেশ্বৰ শৰ্মা,সম্পাদক গিৰীন্দ্ৰ কুমাৰ শৰ্মা,জিলা ছাত্ৰ সন্থা,যুৱ-ছাত্ৰ পৰিষদ,নলবাৰী জিলা প্ৰেছ ক্লাব আদিয়ে আদৰণি জনাইছে।