বলীউডৰ জনপ্ৰিয় অভিনেতা সুশান্ত সিং ৰাজপুতৰ আত্মহত্যা:হিন্দী ছবি অনুৰাগীৰ মাজত শোকৰ ছাঁ

বলীউডৰ পৰা আহিছে এটা অত্যন্ত দুখৰ  খবৰ।জনপ্ৰিয় অভিনেতা সুশান্ত সিং ৰাজপুতে আত্মহত্যা কৰিছে।মুম্বাইৰ নিজ ঘৰত অভিনেতাজনে চিপজৰী লৈ আত্মহত্যা কৰে।৩৪ বছৰীয়া যুৱ অভিনেতাজনে কেইবাখনো চলচ্চিত্ৰত মানসম্পন্ন অভিনয়ৰে দেশ-বিদেশৰ দৰ্শকৰ হৃদয় জয় কৰিছিল।বিশেষকৈ "এম এছ ধোনী-দ্য অনট'ল্ড ষ্ট'ৰী"ত মহেন্দ্ৰ সিং ধোনীৰ চৰিত্ৰত নিখুঁত অভিনয় কৰি তেওঁ হিন্দী ছবি অনুৰাগীসকলৰ মাজত যথেষ্ট জনপ্ৰিয়তা অৰ্জন কৰিছিল।ৰাজপুতৰ আন দুখন জনপ্ৰিয় ছবি হৈছে কাই প' ছে,শুদ্ধ দেশী ৰোমান্স।টিভি ধাৰাবাহিক 'পৱিত্ৰ ৰিষ্টা'ৰ জড়িয়তেও সুশান্তই জনপ্ৰিয়তা অৰ্জন কৰিছিল।ৰাজপুতৰ অকাল বিয়োগত হিন্দী ছবি অনুৰাগীৰ মাজত শোকৰ ছাঁ পৰিছে।