চিৰাঙৰ বিজনীত ড্ৰাগছসহ এজন সৰবৰাহকাৰী আটক

বঙাইগাঁওঃ

চিৰাং জিলাৰ বিজনী আৰক্ষীয়ে এক গোপন সূত্ৰৰ পম খেদি দেওবাৰে নিশা প্ৰায় ৮ বজাত ড্ৰাগছসহ  এজন সৰবৰাহকাৰীক আটক কৰে ৷ বিজনীৰ পাইকাৰী শাক-পাচলি বজাৰৰ সমীপত আৰক্ষীয়ে ড্ৰাগছসহ আটক কৰা ড্ৰাগছ সৰবৰাহকাৰীজন বিজনীৰ কাৱাটিকাৰ দতুৰীৰ বিপ্লৱ দাস(২২) বুলি জানিব পৰা গৈছে । সৰবৰাহকাৰী জনৰ পৰা আৰক্ষীয়ে ১.৬৫০ গ্ৰাম ড্ৰাগছ, ৯ টা কন্টেইনাৰ, এটা মোবাইল হেণ্ডছেট, এখন ষ্টেট বেংকৰ এ টি এম কাৰ্ড , কিছু নগদ ধন আৰু বিজনীৰ নৱৰত্ন একাডেমীৰ পুৰণি পৰিচয় পত্ৰ উদ্ধাৰ কৰে । জানিব পৰা মতে বিজনীৰ দুতুৰিৰ পৰা বিপ্লৱ দাসে ড্ৰাগছ বেচিবলৈ আহি আৰক্ষীৰ জালত পৰে ।