মুক্তিৰ দিনত সৰ্বাধিক উপাৰ্জন কৰা অসমীয়া ছবিৰ অভিলেখ 'কাঞ্চনজংঘা'ৰ:'মিছন চাইনা'ক ঠেলিলে দ্বিতীয় স্থানলৈ

নিউজ ডেস্ক:

মুক্তিৰ প্ৰথম দিনটোতে অসমীয়া ছবি জগতৰ ইতিহাসত নতুন নাম লিখিবলৈ সক্ষম হৈছে জুবিন গাৰ্গৰ ছবি 'কাঞ্চনজংঘা'ই।'মিছন চাইনা'ৰ  অভিলেখ ভংগ কৰি বক্স অফিচত প্ৰথম দিনটোতে কাঞ্চনজংঘাই সংগ্ৰহ কৰিলে ৪০লাখ টকা। 
সমগ্ৰ অসমৰ লগতে মুম্বাই, হাইদৰাবাদ, কলকতা আদিকে ধৰি দেশৰ বহু নগৰ-চহৰত মুক্তি লাভ কৰা ছবিখনক লৈ আজি দ্বিতীয় দিনটোতো দেখিবলৈ পোৱা যায় দর্শকৰ ব্যাপক উৎকণ্ঠা।
ইফালে,বহুসংখ্যক ছবিঘৰত দুই -তিনিদিনলৈ টিকট বুকিং হৈ থকা বুলিও জানিব পৰা গৈছে।
তেজপুৰ, অৰুণাচলৰ বিভিন্ন মনোমোহা ঠাইত দৃশ্য গ্ৰহণ হোৱা ছবিখনে নৱপ্ৰজন্মৰ মাজত ব্যাপক সমাদৰ লাভ কৰিবলৈ সক্ষম হৈছে।