মহাকাশত প্ৰভুত্ব বৃদ্ধিৰ লক্ষ্যৰে আমেৰিকাই গঠন কৰিলে 'মহাকাশ সেনা'

আমেৰিকাই গঠন কৰিলে 'মাৰ্কিন মহাকাশ সেনা'।গঠন কৰাৰ পিছত বৃহস্পতিবাৰে আনুষ্ঠানিকভাৱে মুকলিও কৰিলে মহাকাশ সেনাক।'ইউএছ স্পেচ ফ'ৰ্ছ' মাৰ্কিন সেনাৰ ষষ্ঠটো শাখা। মাৰ্কিন মহাকাশ সেনা ৰাষ্ট্ৰপতি ডোনাল্ড ট্ৰাম্পৰ 'ড্ৰীম প্ৰজেক্ট'।যোৱা বছৰত  ট্ৰাম্পে মহাকাশ সেনা গঠন কৰাৰ বিষয়ে উল্লেখ কৰিছিল।

বৃহস্পতিবাৰে  মহাকাশ সেনাৰ গোটক আনুষ্ঠানিকভাৱে মুকলি কৰাৰ সময়ত ৰাষ্ট্ৰপতি ট্ৰাম্প আৰু উপ-ৰাষ্ট্ৰপতি মাইক পেন্স উপস্থিত আছিল। মহাকাশত আমেৰিকাৰ প্ৰভুত্ব বৃদ্ধি কৰাৰ ক্ষেত্ৰত এই সেনাই সহায় কৰিব।