ইণ্টাৰনেট চাঞ্চল্য ৰাণু মণ্ডলক ৫৫ লাখ টকাৰ ঘৰ উপহাৰ দিলে 'দিলদাৰ' ছলমান খানে

নিজৰ কন্ঠৰ যাদুৰে নিশাৰ ভিতৰতে ইণ্টাৰনেট জগতৰ তাৰকাত পৰিণত হোৱা ৰাণু মণ্ডলক সহায় কৰিবলৈ আগবাঢ়ি আহিছে নতুন প্ৰতিভাক সদায় সুযোগ দিয়া বলীউডৰ 'দিলদাৰ' ছুপাৰষ্টাৰ ছলমান খান।কোকিলকণ্ঠী লতা মংগেশকাৰৰ কন্ঠৰ সৈতে সাদৃশ্য থকা ৰাণু মণ্ডলক ছলমান খানে মুম্বাইত এটা ৫৫ লাখ টকাৰ ঘৰ উপহাৰ হিচাপে দিছে বুলি বাতৰি প্ৰকাশ পাইছে।লগতে জানিব পৰা মতে ছলমানে তেওঁৰ আহিবলগীয়া ছবি 'ডবং-৩'ত ৰাণু মণ্ডলক এটা গীত গোৱাৰ সুবিধা প্ৰদান কৰিব।

ইফালে, ছলমান খানৰ ঘনিষ্ঠ সংগীত পৰিচালক হিমেশ ৰেছমিয়াই এসময়ত দিনভিক্ষা কৰি জীৱন নিৰ্বাহ কৰা ৰাণুৰ সৈতে ছবিৰ গীত বাণীবদ্ধ কৰিছে আৰু বাণীবদ্ধ কৰা দৃশ্য ইণ্টাৰনেটত অতিকৈ চৰ্চিত আৰু জনপ্রিয় হৈছে।