কাইলৈ নগাঁও মহাবিদ্যালয়ত কুইজ প্ৰতিযোগিতা

মধ্য অসমৰ আগশাৰীৰ শিক্ষানুষ্ঠান নগাঁও মহাবিদ্যালয় মহাৰজত জয়ন্তীৰ বিশেষ অনুষ্ঠানৰ লগত সংগতি ৰাখি অহা ৯ আগষ্টত ১৯৯১ বৰ্ষৰ উচ্চতৰ মাধ্যমিক শ্ৰেণীৰ শিক্ষাৰ্থীসকলৰ উদ্যোগত সদৌ অসম ভিত্তিত দ্বিতীয় বাৰ্ষিক গোলাৰী দেৱী ম’ৰ সোঁৱৰণি প্ৰাইজমানী আন্তঃমহাবিদ্যালয় কুইজ প্ৰতিযোগিতাৰ আয়োজন কৰা হৈছে ৷

দিনৰ ১০ বজাৰ পৰা একাদশ শ্ৰেণীৰ পৰা স্নাতকোত্তৰ শ্ৰেণীলৈ অধ্যয়নৰত ছাত্ৰ-ছাত্ৰীৰ মাজত অনুষ্ঠিত হ’বলগীয়া প্ৰতিযোগিতাখনি পৰিচালনা কৰিব জনপ্ৰিয় কুইজ মাষ্টাৰ দীপাঙ্কৰ কৌশিক আৰু নয়নজ্যোতি বৰাই ৷ যিকোনো শিক্ষানুষ্ঠানৰ দুজনীয়া সদস্যৰে গঠিত প্ৰতিযোগিতাখনিত যোগদান কৰা ছাত্ৰ-ছাত্ৰীসকলে শিক্ষানুষ্ঠানৰ পৰিচয়-পত্ৰ আৰু অনুমতি-পত্ৰ অনাটো বাধ্যতামূলক ৷

প্ৰতিযোগিতাত শ্ৰেষ্ঠ বিবেচিত তিনিটা দলক নগদ ১০ হাজাৰ, ৭ হাজাৰ আৰু ৫ হাজাৰ টকাৰ উপৰি চূড়ান্ত প্ৰতিযোগিতাত অৱতীৰ্ণ তিনিটা দলক ১ হাজাৰ টকাৰে পুৰস্কৃত কৰা হ’ব ৷ ইচ্ছুক প্ৰতিযোগীসকলে জুপিতৰা বৰা গায়ন (৭০০২০৮৩৭১৭), আনোৱাৰ পাৰভেজ (৭০০৫২০৪০৭১) আৰু ডাঃ পাৰ্থ সাৰথি ভূঞা (৭০০৫২০৪০৭১)ৰ সৈতে যোগাযোগ কৰিবলৈ অনুৰোধ জনোৱা হৈছে ৷