নাহৰকটীয়াত গৃহিণীক স্বাৱলম্বী কৰাৰ প্ৰয়াস শ্ৰীমন্ত শংকৰদেৱ সংঘৰ

নামৰূপৰ পৰা সমীৰণ বৰুৱা
 
শ্ৰীমন্ত শংকৰদেৱ সংঘৰ নামৰূপ আঞ্চলিক সমিতিয়ে গ্ৰহণ কৰিছে এক প্ৰশংসনীয় পদক্ষেপ। গৃহিণীসকলক স্বাৱলম্বী কৰি তুলিবলৈ আৰু অসমৰ বয়ন শিল্পক এখোজ আগুৱাই নিয়াৰ প্ৰচেষ্টাৰে নাহৰকটীয়া জয়পুৰ ফাল্টুতোলা গাওঁত মহিলাসকলৰ বাবে মুকলি কৰা হয় এক বস্ত্ৰশিল্প কেন্দ্ৰ।

এই কেন্দ্ৰতে তাঁতশালত গামোচা তৈয়াৰৰ জড়িয়তে মহিলাসকলক উপাৰ্জনৰ পথ দিয়াৰ  এক প্ৰচেষ্টা চলাইছে শ্ৰীমন্ত শংকৰদেৱ সংঘৰ নামৰূপ আঞ্চলিক সমিতিয়ে। লগতে এই কেন্দ্ৰতে মহিলাসকলক ব্যৱসায়িক হিচাপে  কাঠফুলা প্ৰস্তুত কৰি বিক্ৰী কৰাৰ সুবিধা দিয়াৰো প্ৰয়াস কৰিছে নামৰূপ আঞ্চলিক সমিতিয়ে ।

ইফালে এই প্ৰয়াসৰ জড়িয়তে নামৰূপ আঞ্চলিক শাখাৰ অন্তৰ্গত ৫ খন প্ৰাথমিক শাখাৰ প্ৰায় ১০০ৰো অধিক মহিলা উপকৃত হ'ব বুলি আশাবাদী উদ্যোক্তাসকল ।